Ur c'hantener (a dalva "Penn ur c'hantad", eus latin centum, kant), pe un Hekatontarc'h (gresian ἑκατόνταρχος), a veze graet eus un ofiser eus Henroma a oa e penn ur Centuria ("Kantad") da laret eo kant soudard eus al lejion roman pe un unvez skoazeller a niver hañval. Rannet e oa ar rez-se e meur a live hervez ar perzh a veze graet ganto. E penn-kentañ ar Republik e oa ar c'hantener e karg eus ur pevar-ugent bennak a dud hag e teuas da vout ur c'hantad diwezhatoc'h.